786 млн сўм божхона тўловидан қочган самарқандлик тадбиркор 8 йилгача қамалиши мумкин

Тошкент вилояти божхона бошқармаси ходимлари ва ҳуқуқни муҳофаза қилувчи бошқа идоралар вакиллари билан ҳамкорликда «Ўзбекистон» темир йўл чегара божхона постида навбатдаги божхона қоидабузарлиги ҳолати аниқланди. 

Мақола daryo сайтидан олинди

Самарқанд вилоятида истиқомат қилувчи Б.Мамараимов номига Хитойдан келтирилган 2 та юк контейнерида йўл-юк кузатув ҳужжатларига кўра аслида салкам 50 тоннадан ортиқ оғирликдаги қурилиш моллари ва авто эҳтиёт қисмлари бўлиши лозим эди.

Аммо, ушбу контейнерлар белгиланган тартибда божхона кўригидан ўтказилганда контейнерлардан бирига йўл-юк кузатув ҳужжатларида ва божхона ходимларининг оғзаки сўрови пайтида умуман маълум қилинмаган 24 турдаги кийим-кечаклар ортилгани ҳамда уларнинг тахминий қиймати 2 миллиард 230 миллион сўмдан ошиқроқ эканлиги аниқланди.

Иккинчи контейнерда ҳам тегишли ҳужжатларда қайд этилмаган қиймати 203 миллион сўмдан ортиқ бўлган кийим-кечаклар ва турли қурилиш моллари борлиги маълум бўлди.

Таҳлилларга кўра, шу йўл билан қонунбузарлар 786 миллион сўмдан ортиқ божхона тўловларини тўлашдан қочишга уринган.

Мазкур ҳолат юзасидан Ўзбекистон Республикаси Жиноят кодексининг 182-моддаси (божхона тўғрисидаги қонун ҳужжатларини бузиш) 2 қисми «а» бандига мувофиқ жиноят иши қўзғатилди.

Унга кўра, жуда кўп миқдордаги товарларни бошқа ном билан декларациялаб, Ўзбекистон Республикасининг божхона чегарасидан ўтказиш энг кам ойлик иш ҳақининг уч юз бараваридан олти юз бараваригача миқдорда жарима ёки уч йилгача ахлоқ тузатиш ишлари ёхуд беш йилдан саккиз йилгача озодликдан маҳрум қилиш билан жазоланади.

Бўлишинг:

Муҳаррир танлови

Президент ўзининг портретларини идораларга осиб қўймасликни сўранди

Қирғизистон президенти Садир Жапаров ўз портретини ҳукумат бинолари ёки идораларига осиб қўймасликни сўранди. Бу ҳақда президентнинг матбуот котиби Галина Байтерек маълум ...

Жияним «алифбе»ни ўрганмаса бўларкан

Жияним мактабга чиқиб «Алифбе»ни ўргана бошлади. Қўлига нима тушса, ўқийди. Қишки таътил кунлари уни бир хурсанд қилиш мақсадида истироҳат боғига олиб бордим. Кейин эса ...

Ўзбекистонда чақалоғини кўлга ташлаб кетган аёл коллеж ўқувчиси бўлиб чиқди

Сурхондарёнинг Қизириқ туманида чақалоғини бўғиб ўлдириб¸ кўлга ташлаб кетгани гумонланаётган аёл қўлга олинган. Сурхондарё вилояти ҳуқуқ-тартибот идораларидаги Озодлик ...