Назарбаев Жээнбековни Қозоғистонга таклиф қилди (видео)

Қозоғистон президенти Нурсултон Назарбоев Қирғизистон раҳбари Сўўронбай Жээнбековни Қозоғистонга расмий ташриф билан келишга таклиф қилди.

Бу ҳақда у Минскда бўлиб ўтган Коллектив хавфсизлик Шартномаси ташкилотининг коллектив хавфсизлик Кенгаши сессияси доирасида бўлиб ўтган икки томонлама учрашувдан сўнг журналистларга маълум қилди.

«Ташриф доирасида Қирғизистон-Қозоғистон ҳамкорлигининг истиқболларини муҳокама қиламиз», – деди Назарбоев. Давлат раҳбарлари Минскда икки томонлама алоқаларнинг истиқболларини, жумладан қирғиз-қозоқ чегарасидаги вазиятни барқарорлаштириш масалаларини муҳокама қилишди. Учрашув якунида президентлар матбуот учун баёнот билан чиқдилар.

Назарбоев Жээнбековни президент этиб сайлангани билан табриклади ва икки мамлакат ўртасидаги қардошлик ва яхши қўшничилик алоқалари мустаҳкамланишига умид билдирди. Чегарадаги вазиятга тўхталар экан, икки мамлакат ҳукуматлари ишлаётган йўл харитасига зарурият борлигини таъкидлади. Шу кунларда ишчи гуруҳи ўртасида учрашув бўлиб ўтиши керак.

Унинг қўшимча қилишича, йўл харитаси қабул қилинганидан сўнг, чегаралар вақтинча очилади. Бундан ташқари, Қозоғистон, Қирғизистон ва ЕОИИ томонидан чегараларда назорат кучайтирилишга келишиб олинди. «Шу тариқа Хитой билан чегарада ҳам текширув бўлади», – деди Нурсултон Назарбоев.

«Биз Нурсултон Абишевич билан мавжуд барча масалаларни муҳокама қилдик ва ягона қарорга келдик. «Йўл харитаси» бор, икки мамлакат ҳукуматлари ишлаяпти, декабрь ойида бу йўналишдаги ишларни якунлаймиз. Чегараларда биргаликда назорат ўрнатамиз. Икки томонлма ҳамкорликнинг барча масалалари ҳал бўлади», – дея таъкидлади Сўўронбай Жээнбеков.

10 октябрдан Қозоғистон Қирғизистон билан чегарадаги назоратни кучайтирди, бу ўз навбатида ўтиш пунктларида автомобилларнинг бир неча километрлик навбатини юзага келтирди. Остона бу қадамни контрабандага қарши кураш билан изоҳлайди, Қирғизистон эса сунъий савдо тўсиқлари яратилгани ҳақида баёнот берди.

Бўлишинг:

Муҳаррир танлови

Санкт-петербургдаги оммавий муштлашувда тўрт нафар ўзбекистонлик пичоқланди

4 нафар киши оммавий муштлашув натижасида пичоқдан жароҳат олган. Уларнинг икки нафари шифохонага ётқизилган ва ҳозирда операция блокида.  19 май куни Санкт-Петербург ...

Бухоролик фуқаро 9.200.000 сўм алимент пулини тўлагач, қамоқдан озод қилинди

Бир неча йилдан буён фарзанди учун алимент пули тўлашдан қасддан бўйин товлаб келган Бухоро туманида истиқомат қилувчи  фуқаро Қаюм Ҳайитов 9.200.000 сўмни тўлагач, ўзига ...

Шўрчидаги деҳқон бозори олдида аёллар ўртасида пичоқбозлик бўлди

2019 йил 5 апрель куни Сурхондарёда икки аёлнинг жанжали пичоқбозлик билан якун топди. Бу ҳақда ИИВ матбуот хизмати хабар қилган. Вилоятнинг Шўрчи тумани Тамаддун маҳалласида ...