“Ҳуқуқ” газетаси бош муҳаррири қамалди

Тожикистоннинг Суғд областида  чоп этиладиган “Ҳуқуқ” мустақил газетасининг Бош муҳаррири ва муассиси қамоқ жазосига ҳукм этилди.

Суғд областида “Ҳуқуқ” мустақил газетаси Бош муҳаррири ва муассиси Ойбек Алиев ва унинг отаси Турсунали Алиев Тожикистон Жиноят Кодексининг бир неча моддалари бўйича айбдор деб топилди ҳамда озодликдан маҳрум этиш ҳақида ҳукм чиқарилди.

Ота-бола Алиевларга нисбатан қўйилган айблар “товламачилик” ва “тамагирлик” бўлиб, маҳаллий журналистик иттифоқларнинг маълум қилшича, уларнинг касбий, яъни журналистик фаолиятига алоқадор эмас.

Жаббор Расулов тумани суди Ойбек ва Турсунали Алиевларни “қаллоблик” ва “тамагирлик” моддалари бўйича айбдор деб топиб, 8 йилу 6 ой ва 6 йилга озодликдан маҳрум этиш ҳақида ҳукм чиқарди.

Аммо 70 ёшли Турсунали Алиевнинг ёши ўтиб қолганлигини ҳисобга олиб, 2 йил шартли жазони ўташ шарти билан  суд залидан озодликка чиқарди. Суднинг мазкур ҳукми 1-декабр куни эълон қилинди.

Ноҳия судидан маълум қилишларича, ота-бола Алиевлар ноқонуний йўллар билан ўнлаб кишининг мол-мулкини ўзлаштиришда айбланган.  Уларнинг жинояти рад этиб бўлмас далиллар ва гувоҳлар кўрсатмалари билан асосланган.

Бу Шимолий Тожикистонда иккинчи шундай ҳодиса. 2013 йил Суғд областида 57 ёшли журналист Муҳаммадюсуф Исмоилов ҳам “қаллоблик” ва “тамагирлик” моддаларида айбдор топилиб, 11 йилга озодликдан маҳрум қилинган эди.

Муаллиф: Озод Назар

Бўлишинг:

Муҳаррир танлови

Бош прокуратура машинада аёлни яланғоч қилиб видеога олган фуқарога қарши жиноят иши очмаслигини маълум қилди

Бош прокуратура Lacetti машинасида фуқаро С.С.ни (аёл киши) яланғоч қилиб, видеога олиб, уни интернетда тарқатиб юборган фуқаро Ш.Б.га нисбатан жиноят ишини қўзғамаслигини ...

Санжар саид: китобсевар азизбекдан меҳр ва эътиборингизни қизғонманг

Азизбек 2005 йилда туғилган. У Самарқанд вилояти Нуробод туманининг Сазағон қишлоғида яшайди. Кучайиб борувчи мушаклар дистробофияси касаллиги дюшен формасига чалингани боис ...

Францияда қизларга гап отганлик учун 750 евро жарима жорий қилинди

Марлен Шьяппа Фото: © GLOBAL PRESS look Франция парламаненти аёлларга нисбатан жисний тегажоғлиқ ва одобсизлик учун жарима жорий қилиш бўйича қонунни қабул қилди. Бу ҳақда ...