Адвокати журналист Бобомурод Абдуллаев билан кўришди

Ўзбекистон Мустақил Инсон ҳуқуқлари ҳимоячилари ташаббус гуруҳи хабар тарқатишича, 14 декабрь куни адвокат Сергей Майоров журналистик фаолияти учун конституциявий тузумни ағдаришда айбланаётган журналист Бобомурод Абдуллаев билан учрашган.

Мақола bbc.com сайтидан олинди.

Ташаббус гуруҳига кўра, адвокат Сергей Майоров билан журналистнинг суҳбатида Миллий Хавфсизлик хизмати терговчиси ҳам иштирок этган.

Суҳбат 30 дақиқа давом этган.

Адвокат Майоров Бобомурод Абдуллаевга унинг ҳимоясига 35 га яқин халқаро ташкилот, инсон ҳуқуқларини ҳимоя қилиш гуруҳлари ва оммавий ахборот воситалари отланганини, халқаро ташкилотлар Ўзбекистон ҳукуматидан журналистни зудлик билан озод қилишга чақираётганларини маълум қилган.

Мустақил Инсон ҳуқуқлари ҳимоячилари ташаббус гуруҳи хабар қилишича, суҳбат мобайнида Бобомурод Абдуллаев “Усмон Ҳақназар” тахаллуси остида мақолалар ёзганини тасдиқлаган, ўзини қисман айбдор деб ҳисоблашини айтган.

Ташаббус гуруҳи адвокат Сергей Майоров Миллий Хавфсизлик хизматининг тергов изоляторида ҳибсда ушлаб турилган Бобомурод Абдуллаевнинг юзи ва қўлларини текширганини ва унга нисбатан жисмоний ёки руҳий қийноқ қўлланган-қўлланмагани ҳақида сўраган.

Ташаббус гуруҳ хабарига кўра, “Бобомурод на жисмоний, на руҳий бўлгани ҳақида жавоб берган, у ерда қуруқ ва иссиқ экани, овқатларининг сифати яхши эканини қўшимча қилган”.

Бобомурод Абдуллаев ҳибсда сақланаётган Ҳаёт Насриддинов билан юзлаштириш бўлгани ҳақида айтган.

Бундан роппа-роса 1 ой олдин адвокат Тўлқин Орифжонов ҳибсдаги журналист билан учрашган, бироқ Тўлқин Орифжонов Бобомурод Абдуллаевни ҳимоя қилишдан воз кечган эди.

Шу йил 27 сентябрида журналист Бобомурод Абдуллаевнинг Тошкент шаҳрида бедарак йўқолгани хабарлари тарқалди.

Орадан бир неча кун ўтганидан кейин унинг ҳибсга олингани маълум бўлди.

1 октябрь куни Юнусобод туман суди Бобомурод Абдуллаевни ҳибс қилиш ҳақида ажрим чиқарди.

44 ёшли Бобомурод Абдуллаев расман “Усмон Ҳақназар”имзоси остида “амалдаги тузумни ўзгартиришга чақирувчи” мақолалар чоп этиш ва Ўзбекистонда “инқилоб қилиш”га уринишда гумонлангани хабар қилинди.

Ҳибсга олинганидан бир ярим ой ўтганидан кейин Бобомурод Абдуллаевнинг адвокат билан учрашишига изн берилди.

Бўлишинг:

Муҳаррир танлови

Россия ва тожикистон «мусулмонларни қайта тарбиялаётган» хитойни қўллаб-қувватлади

БМТ инсон ҳуқуқлари кенгашида Хитой томонидан Шинжон-Уйғур автоном ҳудудида олиб борилаётган ишлар кўриб чиқилди. Хитой ҳукумати ушбу ҳудудда ўзгача сиёсат юритмоқда ва ...

«андижонча фонограмма». ногиронларга уй бериб, қайтариб олиш томошаси

Ўтган 2017 йил бошида давлат раҳбари ташаббуси билан бошланган юксак инсоний лойиҳалардан бири — меҳнатга лаёқати чекланган, ногиронлиги бўлган юртдошларимизга имтиёзли ...

Концерт томошаси бедарвоза эмас

Андижонда Ўзбекистонда хизмат кўрсатган артист Юлдуз Абдуллаева ҳамда хонанда Ойхон Эшонхоновалар иштирокидаги концерт солиқчилар назоратига олинди. Натижада 30 миллион сўм ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400