Тожикистондаги АЁҚШ тармоғи раҳбарлари яна икки ой ҳибсда қолади

Душанбе шаҳридаги Фирдавсий туман суди Тожикистонда нефть маҳсулотлари етказиб бериш ва сотиш билан шуғулланувчи «Умед-88» компаниясининг раҳбарларини дастлабки ҳибсда ушлаб туриш муддатини яна икки ойга узайтирди.

Компания таъсисчиси Ражабали Одинаев ва компания директори Идибек Ибрагимов шу йилнинг октябрь ойида ҳибсга олинган эди.

Ражабали Одинаевнинг адвокати Хисрав Аюби 18 декабрь куни баёнот бериб, ўзи ва мижози суд қароридан норози эканликларини ва қарор устидан шикоят қилишини билдирди. Адвокатнинг сўзларига қараганда, терговчилар компания фаолиятини текширишда давом этмоқда. Бундан аввал компания фаолиятини тўхтатгани ҳақида хабар берилган эди.

«Умед-88» ОАЖ раҳбарлари Ражабали Одинаев ва Идибек Ибрагимовларга нисбатан ТР Жиноят кодексининг иккита моддаси – кредит кўринишида берилган катта миқдордаги маблағларни ўзлаштириш) ва ваколатларини оғир оқибатларга сабаб бўлган ҳолда суиистеъмол қилиш бўйича жиноий иш очилган.

Терговга яқин манбанинг маълум қилишича, жиноий иш бўйича тергов якунига етмоқда, тез орада, январь ойида барча материаллар судга топширилади. Компания мол-мулки ҳатланган. Бундан аввал Ражабали Одинаевнинг қариндошлари расмийлар компания мол-мулки сотилишини тақиқлагани ҳақида маълум қилган эди.

Тожикистон раҳбари Эмомали Раҳмон 14 октябрь куни тадбиркорлар билан бўлиб ўтган учрашувда мамлакат молия вазирлиги «Умед-88» компаниясига “турли тушинарсиз йўллар билан” давлат бюджетидан 170 миллион сомонидан ортиқ маблағларни берганини танқид қилган эди. Унинг айтишича, бу маблағларни «Умед – 88» ОАЖ икки йилдан бери давлатга қайтара олмаяпти.

«Умед-88» компанияси 1996 йилда тадбиркор Ражабали Одинаев томонидан ташкил этилган. Компания Россия, Қозоғистон ва Туркманистондан ёқилғи олиб келиш билан шуғулланади. Мамлакат бўйлаб компаниянинг 70дан ортиқ АЁҚШ мавжуд эди.

Бўлишинг:

Муҳаррир танлови

Истанбулда яна бир ўзбекистонлик аёл вафот этди

Ўзбекистоннинг Истанбул шаҳридаги Бош консулхонаси маълумотига кўра, 2019 йил 19 июль куни Bakırköy Dr. Sadi Konuk Eğitim Araştırma Hastenesi тиббиёт муассасасида Ўзбекистон ...

Тожикистон президенти ўз шарафига номланган мукофотни таъсис қилди

Тожикистон Президенти Эмомали Раҳмон “Миллат етакчиси-Эмомали Раҳмон “ давлат мукофотини таъсис қилди, мазкур мукофот билан демократияни ривожлантиришга катта ҳисса қўшган ...

Алишер абдуллаев “ўзэлтехсаноат” уюшмасининг раиси бўлди

Ҳукумат қарори билан “Ўзэлтехсаноат” уюшмасининг раиси ва раис ўринбосарлари тайинланди. Адлия вазирлигининг Telegram каналида хабар берилишича, “Ўзэлтехсаноат” уюшмасининг ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400