Маърифати бор ҳар бир киши айни кунларда Президент обрўсини ҳимоя қилишга маъсул. Сабаб уни халқнинг ўзи сайлаган. Президент обрўси халқнинг обрўси. Унинг шаъни халқнинг шаънидур.
Ҳимоя деган-да ётволиб унга ширин-шакар сўзлар ёғдириш эмас, обрўсига путур етиши мумкин бўлган, кейинчалик йўл қўйиши мумкин бўлган хато нохушликлардан асрашимиз огох этишимиз зарур.
Дейлик Президент дастлаб минглаб диний махбусларни озод этмоқчилигини айтиб, кейинчалик бу амалга ошмаганида, жуда кўпчилик Президентни дашномга олди. Ноҳақ дашном бўлди дейишга ҳақли эмасман. Бироқ келажакда кутилиши мумкин бўлган Президент йўл қўйиши мумкин бўлган хатони аввалдан уни огоҳ этишимиз мумкин-ку.
Мисол учун Ислом Каримовнинг 80 йиллик таваллудини тантанали, дабдабали нишонлаш борасида.
Президент ўтмишдошини ҳуқуқий нуқтаи назардан ашаддий жиноятчи эканини обдан исботлаб қўйди.Фақат номини айтмаябди холос. (Балки номини айтишга Шавкат ака жирканаётган бўлса ажаб эмас). “Бошқа ўша 25 йил ҳеч қачон қайтиб келмасин” деган ниятнинг ўзи менимча етарли.
Шундай экан эртага одамлар “нега энди Каримов даврини қоралаб-қоралаб, яна ҳеч нима бўлмагандек 80 йиллик юбилейини нишонлаябди. Бу ҳам наригисига ўхшаб тупурган тупугини, қайтариб оларкан-да” каби бўлажак дашномлардан давлат рахбарини огоҳ этайлик.
Муаллиф: Санжарали Имомов