Ўзбекистонинг Тошкент вилояти Сергали тумани маъмурияти дастури билан метронинг янги бир бекати тожикистонлик шоир, Тожикистон Қаҳрамони Мирзо Турсунзода номига қўйилди.
Бу ҳақида “Ховар” – Тожикистон миллий ахборот агентлиги маълум қилди.
Тошкент метроси беш йўналиш ва 29 бекатдан иборат бўлиб, Совет Иттифоқи пайтида баъзи бекатлари Максим Горький, Пушкин каби рус ижодкорлари номи билан аталган бўлса, мустақилликнинг илк йилларидан бошлаб Алишер Навоий, Бобур, Ғафур Ғулом, Абдулло Қодирий каби ўзбек ижодкорлари номи билан аталиб келади.
Энди эса унинг бекатларидан бири XX асрда яшаб, ижод қилган тожик шоири, Тожикистон Қаҳрамони Мирзо Турсунзода номи билан аталадиган бўлди.
Мирзо Турсунзода ўзбек-тожик халқлари дўстлиги мавзусида ҳам кўплаб шеърлар ёзган. Унинг аксарият асарлари ўзбек тилига таржима қилинган.
Қайд этиш лозимки, айни пайтда Тожикистонда ҳам ўзбекистонлик таниқли шахслар номи билан аталадиган иншоотлар мавжуд. Шимолий Тожикистоннинг Спитамен туманида амал қилаётган Шукур Бурҳон номидаги театр шулар жумласидандир.
Муаллиф: Соҳиб Назаров