Қозоғистонда Ўзбекистон ва Тожикистон фуқаролари яна бир фожиадан қутқарилди

Қозоғистонда Ўзбекистон ва Тожикистон фуқаролари яна бир фожиадан қутқарилди

Ўзбекистон ва Тожикистон фуқаролари тушган иккита автобус Қозоғистоннинг Оқмола вилоятидаги трассада тўхтаб қолди.

Полиция 21 январь куни Остона – Петропавловск трассасида Van Hool русумидаги автобус тўхтаб қолгани ҳақида хабар олди. Автобус Петропавловск-Сариоғоч йўналишида қатнаётган эди. Маълум бўлишича, кучли совуқ ҳарорат туфайли транспорт воситасида дизель ёқилғиси музлаб қолган. Автобус салонида 43 нафар йўловчи ва икки нафар ҳайдовчи бор эди. Ҳайдовчилар Жанубий Қозоғистон вилоятида истиқомат қилиши, йўловчилар эса Ўзбекистон фуқаролари экани маълум қилинди.

Қутқарув хизмати ходимлари йўловчи ва ҳайдовчиларни Шортандиқ туманидаги Бозайғир қишлоғида жойлашган ҳунар техника билим юртида ташкил этилган махсус иситиш пунктига олиб келишди. Жабрдийдалар иссиқ овқат ва тунни ўтказишлари учун жой билан таъминланишди, дея хабар берди ОАВ.

Бундан ташқари якшанбадан душанбага ўтар кечаси Буландин тумани полиция ходимлари Мерке-Тюмен йўналиши бўйича қатновчи Setra автобусининг бузилиб қолиши натижасида азият чекаётган йўловчи ва ҳайдовчиларга ҳам ёрдам беришди. Автобус салонида икки нафар ҳайдовчи ва Тожикистон фуқаролари бўлмиш 55 нафар йўловчи бор эди. Улар иситиш пунктларига олиб борилди.

Кучли совуқ ва хароратнинг тушиб кетиши оқибатида Қозоғистоннинг Оқмола вилоятида автомобил йўллари барча йўналишларга қатновчи жамоат транспорти учун беркитилди. Полиция кучайтирилган режимда ишламоқда. Ҳуқуқ тартибот идоралари фуқароларга мурожаат қилиб узоқ сафарга отланмасликларини сўрамоқда.

Эслатиб ўтамиз, ўтган ҳафтада Самара – Чимкент трассасида даҳшатли фожиа юз берди. 57 нафар йўловчиси бўлган автобус ёниб кетди, бунинг оқибатида Ўзбекистон фуқаролари бўлмиш 52 киши ҳалок бўлди. Тирик қолганларнинг уч нафари Қозоғистон фуқаролари бўлмиш ҳайдовчилар ва икки нафар ўзбекистонлик йўловчидир.

Бўлишинг:

Муҳаррир танлови

Руслар демографик инқирозга қарши курашиш мақсадида қозоғистонлик эркаклар ёрдамига таянмоқчи

Омск шаҳар ҳокимлигига номзодлардан бири шаҳарда туғилиш кӯрсаткичини ошириш учун Қозоғистондан эркак кишиларни чақириш таклифи билан чиқди. Бу ҳақида Nur.kz портали ...

Муҳим жабҳанинг ойдинлашуви

Шу кунда Самарқандда ўтказилаётган Инсон ҳуқуқлари бўйича Осиё форуми Ўзбекистон тарихида, шак-шубҳасиз, жуда ката воқеа сифатида ёзилиб қолади. Бунда асосий жиҳат—Ўзбекистон ...

Ўзбекистонда ойлик ва нафақалар 1 ноябрдан оширилади

Ўзбекистон президенти Шавкат Мирзиёев 13 октябрь куни иш ҳақи, пенсиялар, стипендиялар ва нафақалар миқдорини ошириш тўғрисидаги фармонни имзолади. Унга кўра, 1 ноябридан ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400