Бошқа мавзулар
Ахборот технологиялари ва алоқа қўмитаси мамлакатга мобил қурилмалар олиб кириш учун тўлов жорий қилишни таклиф этаяпти. Битта қурилмани рўйхатдан ўтказиш 100 сомга (1,5 доллар атрофида) тушади.
24 июль кунги матбуот анжуманида қўмита раиси Бақит Шаршембиев етказиб берувчилар чегара орқали олиб киришда янги телефонларни рўйхатдан ўтказиш учун тўлов тўлашларини тушунтирди. У фуқаролар эмас, мобил қурлималарни импорт қилувчи фирмалар ёки хорижда телефон сотиб олган хусусий шахслар тўлов тўлашларини таъкидлаб ўтди.
Тўлов чегарадан ўтишда бир марта амалга оширилади. Қўмита раисининг сўзларига қараганда, 100 сомлик сумма Иқтисодиёт вазирлиги томониданэнг кам ҳисобкитоб кўрсаткичи сифатида ҳисоблаб чиқилган. Бунда лойиҳа ишга туширилгунича мобил қурилмалардан барча фойдаланувчилар автоматик тарзда ва бепул рўйхатдан ўтказилади.
Бақит Шаршембиев пулли рўйхатдан ўтказиш “ҳаётий зарурат” эканлигини баён қилди. У контрабанда, контрафакт товарларни сотиш, мобил қурилмаларни ўғирлаш каби муаммоларни ҳал қилади. Бундан ташқари, ушбу чора терроризм ва экстремизмга қарши ҳаракат ҳисобланади.
Мобил қурлималарни пулли рўйхатдан ўтказиш қоидаси бир қатор мамлакатлар, масалан, Қозоғистон, Озарбайжон, Туркияда амал қилади.
Ҳозирги вақтда лойиҳа жамоатчилик муҳокамасида. У 2019 йилда кучга кириши режалаштирилмоқда.
