Шри-Ланка президенти истеъфога чиққанини Сингапурда эълон қилди

Шри-Ланканинг мамлакатдан қочиб кетган президенти Готабая Ражапакса Сингапурда туриб ўзининг ваколатини топширганини эълон қилди. У ўз аризасини парламент спикери номига электрон почта орқали юборди.

Сингапур ҳукумати Шри-Ланканинг собиқ президенти шахсий ташриф билан келгани ва бошпана сўраб мурожаат қилмаганини маълум қилди.

9-июлда норозилик намойишига чиққан митингчилар президент қароргоҳи ва бошқа бир қатор ҳукумат биноларини эгаллаб олишган. Давлат раҳбари Готабая Ражапакса хавфсиз жойга чиқарилиб кетган ва парламент талабига биноан 13-июлда истеъфога чиқишга рози бўлган. Ўша куни эрталаб у намойишчилар талаб қилганидек ўзининг ваколатини топширмай, мамлакатдан қочиб кетган.

Шу кунларда бош вазир Ранил Викремесинге ўзини президент вазифасини бажарувчи деб эълон қилиб, мамлакатда фавқулодда ҳолат жорий этганини маълум қилган. Намойишчилар бош вазирнинг ўзини ҳам истеъфосини талаб қилиб, керак бўлса Коломбодаги Ҳукумат уйини эгаллаб олишларини эълон қилишган.

14-июлда парламент спикери Маҳинда Япа Абейварден билан узоқ суҳбатдан сўнг намойишчилар босиб олинган ҳукумат биноларини бўшатишган.

Готабая Ражапакса дастлаб Қуролли Кучларнинг самолётида Мальдив оролларига учиб чиққан. Шундан кейингина у Сингапурга борган. У ҳибсга олинишидан қўрқиб, президентлик ваколатидан мамлакатдан чиқиб кетгунича даҳлсизлик инструменти сифатида фойдаланган.

Тахминан 22 миллион аҳолига эга Шри-Ланкада норозилик намойишлари жорий йилнинг бошидан бери давом этмоқда. Мамлакат иқтисодиёти ҳозирда мисли кўрилмаган қийинчиликларни бошдан кечирмоқда. Дори-дармон ва айрим озиқ-овқат маҳсулотлари етишмасдан, валюта захиралари тугаб қолган, мамлакат ташқи қарзини тўлай олмай, дефолтга учраган. Мамлакат ҳатто бошқа жойдан сотиб олган газнинг пулини ҳам тўлай олмай, натижада халққа газ етмай қолди. Бошқа энергия ресурсларининг тақчиллиги ҳам юзага келди.

Шри-Ланка Ҳиндистон яқинидаги кичик орол давлатидир. Илгари Британия империясининг мустамлакаси бўлган мамлакат 1948-йилда ўзининг мустақиллигини эълон қилди.

Бўлишинг:

Муҳаррир танлови

Хаосдаги одам

Қишлоқда туғилиб ўсиб, шаҳарда ўқиган, ишлаб қолган одамнинг ўз дарди бор. У барча нарсага ўз кучи билан эришади, ўқишга киради, иш топади, қийналади, тўрвасини судраб, ...

Қирғизистон марказий осиёдаги уюшган жиноятчилик даражаси юқори давлат

Қирғизистон Марказий Осиё минтақаси давлатлари орасида уюшган жиноятчилик даражаси бўйича етакчи саналади. Бундан Жаҳон иқтисодий форуми мутахассислари томонидан тузилган ...

Қашқадарёлик аёл 91 ёшида туғилганлик гувоҳномасини олди

Давлат хизматлари маркази ходимлари Қашқадарё вилоятининг Қарши туманидаги хонадонлардан бирида кутилмаган воқеага дуч келди. Бу ҳақда ЎзА хабар берди. Фото: ЎзА Гап ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400