Ғарбий Африкада 4 йил ичида 14500 киши ҳалок бўлди

Ғарбий Африкада кучайган террор ҳужумлари туфайли 4 йил ичида 14 минг 500 киши ҳалок бўлгани билдирилди.

Ғарбий Африка Давлатлари Иқтисодий Ҳамжамияти (ECOWAS) комиссиясининг собиқ раиси Жан-Клод Кесси Броу ва комиссиянинг янги тайинланган раиси доктор Умар Алиеу Турай Нигерия пойтахти Абужада учрашди.

Броуг ўз баёнотида Ғарбий Африка давлатларининг асосий муаммоларидан бири терроризм эканлигини таъкидлади.

Минтақада сўнгги 4 йилда кучайган террор ҳужумлари туфайли 5,5 миллион кишининг уй-жойини тарк этганига диққат қаратган Броу ҳужумларда камида 14 минг 500 кишининг ҳаётдан кўз юмганини айтди.

Минтақадаги хавфсизлик муаммоларининг сўнгги 4 йил ичида ёмонлашганига диққат қаратган Броу, янги тайинланган Комиссар Турайни террорнинг минтақада тарқалишини камайтириш учун кўпроқ ҳаракат қилишга чақирди.