Бошқа мавзуларҚозоғистон ва Ўзбекистон келгуси йилнинг бошларида Silk visa умумий хизматини жорий этишни режалаштирмоқда. Бу ҳақда журналистлар билан учрашув жараёнида Ўзбекистон Республикаси давлат туризм қўмитаси раисининг биринчи ўринбосари вазифасини бажарувчи Улуғбек Қосимхўжаев хабар берди, дея Ўзбектуризм хабар тарқатмоқда.
Унинг айтишича, виза Марказий Осиё ҳудудига чет эллик туристларни биргаликда жалб қилиш ва бу йўналишнинг нуфузини ошириш мақсадида жорий қилинмоқда. Олдиндан ўтказилган тахминларга мувофиқ, «Silk visa» ўз ишини келаётган йилнинг февраль ойидан бошлайди.
«Бизнинг ҳисобимизча бу хизмат тури 2019 йилнинг февралида ҳаётга тадбиқ этилади. «Silk visa» лойиҳаси икки давлат идораларида муҳокама қилинган ва томонлар ягона қарорга келган. Эндиликда унинг техник ҳолати ҳамда жиҳозлари хусусида ягона битимга келиш қолган. У, шунингдек, ягона визага Қирғизистон ва Тожикистон томоннинг қизиқаётганини ҳам таъкидлаган. Бу борада Қозоғистон томон ушбу лойиҳага Озарбайжон ва Туркия давлатини ҳам жалб қилиш ниятида.
Эслатиб ўтамиз, жорий йилнинг июнь ойида Қозоғистон Республикаси Сенатининг Халқаро алоқалар, мудофаа, хавфсизлик қўмитаси раисаси Дариға Назарбоева Марказий Осиёнинг ягона визасини жорий қилишни таклиф этган.
Рўзибой Азимий
