Бошқа мавзулар«Ўзагротехсаноатхолдинг» АЖ бошқаруви раиси Тожикистоннинг «Наусельмаш» ЁАЖ жамияти бошқаруви раиси билан учрашди. Бу ҳақда Sputnik ёзмоқда.
«Ўзагротехсаноатхолдинг» матбуот хизматининг хабар қилишича, учрашувда корхоналар ўртасида ҳамкорлик, дўстона алоқаларни йўлга қўйиш ва хорижий инвестицияларни жалб қилиш масалалари муҳокама қилинган.
Хабарда қайд этилишича, учрашув якунида томонлар дастлабки келишувга эришган. «Ўзагротехсаноатхолдинг» АЖ тизим корхоналари томонидан ишлаб чиқариладиган 100 дона чопиқ трактори, 100 дона трактор тиркамаси ва 10 дона пахта териш машиналарини Тожикистон Республикасига етказиб беришга келишиб олинди.
Эслатиб ўтамиз, аввалроқ Туркиянинг FSM Traktor компанияси Ўзбекистонда қишлоқ хўжалик техникасини ишлаб чиқаришни йўлга қўйиши ҳақида хабар қилинган эди.
