Бошқа мавзуларЖорий трансферлар ойнасида «Барселона»дан «Зенит»га ўтган ярим ҳимоячи Малком январь ойидаёқ янги жамоасини тарк этиши мумкин, деб ёзади “CHAMPIONAT.asia” сайти.
Гап шундаки, петербурглик мухлислар футболчини яхши кайфиятда кутиб олмаган ва унга нисбатан ирқчилик муносабатини кўрсатишган. Аввалроқ, жамоанинг фан-клубларидан бири «Зенит» раҳбариятидан қора танли футболчиларни сотиб олмасликка чақирганди.
Эслатиб ўтамиз, бразилиялик хавбек РПЛнинг 4 тури доирасидаги «Краснодар»га қарши баҳсда (1:1) захирадан майдонга тушиб, дебют ўйинини ўтказди.
