Тожикистон президенти Имомали Раҳмон КХШТнинг жанубий чегарасида 40 дан ортиқ террорчиларни тайёрлаш лагери борлигини айтди.
“Мен шу кунгача бизнинг халқларда халқаро терроризм, экстремизм ва диний радикализмнинг ҳаракатсиз ячейкалари борлигини бир неча бор айтганман. Бизнинг махсус хизматларимиз маълумотларига кўра, КХШТнинг жанубий чегарасида, Афғонистоннинг шимоли-шарқий вилоятларида террорчиларни тайёрлаш бўйича 40 дан ортиқ лагер ва марказлар мавжуд”, деди Раҳмон КХШТ раҳбарларининг онлайн саммитида.
Раҳмонга кўра, террорчиларнинг ватанлари, дини ва миллати йўқ. Улар ҳамма ердан йўқ қилиниши керак.
“Эслатиб ўтмоқчиманки, Коллектив хавфсизлик кенгашининг террорчи деб тан олинган ташкилотларнинг ягона рўйхатини тузиш тўғрисидаги қарори ҳалигача амалга оширилмаган. Бу жуда муҳим”, — деди у.
Раҳмон, шунингдек, тожик-афғон чегарасини мустаҳкамлашга эътибор қаратиш зарурлигини таъкидлади.
Қолаверса, фуқароларнинг хорижий диний марказларга ўқишга кетаётгани муаммосига ҳам эътибор қаратиш лозим, деди у.