Бошқа мавзуларУкраина президенти Владимир Зеленский 24-апрель куни АҚШ Давлат котиби Энтони Блинкен ва Мудофаа вазири Ллойд Остин билан учрашди. Улар Россия Украинага уруш эълон қилганидан бери биринчи марта Киевга ташриф буюрган Қўшма Штатларнинг юқори мартабали раҳбарларига айланишди.
Учрашув натижалари ҳали эълон қилинмади.
Зеленский АҚШнинг юқори мартабали раҳбарларининг ташрифи олдидан музокаралардан қурол-яроқ бўйича аниқ натижалар кутаётганини айтди.
Россиянинг Украинага бостириб кирганига икки ой бўлди. Москва билан музокараларда Украина делегациясига бошчилик қилган Украина президентининг маслаҳатчиси Михаил Подоляк якшанба куни Россия кучлари Украина кучларининг сўнгги таянчи бўлган Мариуполдаги «Азовсталь» заводини ўққа тутишда давом этаётганини айтди. Подоляк Москвани Пасха байрами муносабати билан ўт очишни тўхтатишга чақирди.
Аввалроқ Россия президенти Владимир Путин “Азовсталь” заводига ҳужумни тўхтатишни буюрган, бироқ завод атрофида «чивин ҳам учиб ўтмайдиган қилиб тўсиб қўйишни» буюрган.
