Тошкентдаги Симпозиумлар саройида Олий Мажлис Сенати ва Қонунчилик палатаси аъзолари билан бирга, видеоконференция алоқа тизими орқали туман, шаҳар ва вилоятлардаги маҳаллий кенгашларга сайланган халқ депутатлари ҳамда барча бўғиндаги ижро ҳокимияти ва хўжалик бошқаруви органлари раҳбарлари, нодавлат ташкилотлар вакиллари кенг таркибда иштирок этди.
Тадбир “Ўзбекистон24” телеканали орқали тўғридан тўғри олиб кўрсатилди.
Мурожаатнома 2017 йилда амалга оширилган асосий ишлар якуни ва Ўзбекистон Республикасини 2018 йилда ижтимоий-иқтисодий ривожлантиришнинг энг устувор йўналишларига бағишланди.
Ўзбекистон Биринчи президенти Ислом Каримов бирор марта ҳам парламентда Мурожжат билан чиқмаган эди. Фақат февраль ойида Вазирлар маҳкамасининг йил якунларига бағишланган мажлисида иштирок этиб, маъруза қиларди.
Шавкат Мирзиёев кириб келаётган янги — 2018 йилни Ўзбекистонда «Фаол тадбиркорлик, инновацион ғоялар ва технологияларни қўллаб-қувватлаш йили» деб эълон қилишни таклиф этди. Шу кунга қадар йилларга ном 8 декабрь арафасида – Конституция кунига бағишланган йиғилишда президент томонидан берилар эди.
Тез кунларда Шавкат Мирзиёевнинг катта матбуот анжумани ўтказиши кутилмоқда.