Ўзбекистон, абитуриент 2018: Ректорлар ваколатига кирмайдиган иш бўйича ваъда берди

Ўзбекистондаги олий ўқув юртлари ректорлари бу йилги қабул жараёнларининг адолатли ўтишига ваъда берди. Бироқ кейинчалик ректорларнинг бу йил қабул жараёнларида умуман иштирок этмаслиги маълум бўлди.

Ўзбекистондаги олий таълим муассасалари ректорлари абитуриентлар ва уларнинг ота-оналарига қилган мурожаати вазирлик веб сайтида чоп қилинди.

Унда ректорлар бу йилги қабул жараёнларини адолатли ўтказишга ваъда берган.

“Биз – кўп сонли ректорлар бу йилги қабул жараёнларини шаффоф, адолатли ва ҳалол ўтказишга ваъда берамиз”, дейилган мурожаатда.

Ушбу жумлалар Ўзбекистонда олий ўқув юртларига кириш шу вақтгача адолатсиз бўлганлигини бевосита ректорлар томонидан тан олинишни англатиши мумкин.

Бироқ Олий ва ўрта махсус таълим вазири ректорларнинг ваъдасини аҳамиятсизга чиқарди.

Вазир Иномжон Мажидов 21 июлб куни Халқаро пресс клубда таъкидлашича, бу йилги тест синовлари олий таълим муассасасидан ташқарида маъмурият ҳамда педагогларнинг иштирокисиз амалга оширилади.

«Бу йилги тест синовлари олий таълим муассасасидан олиб чиқиб кетилди. Тест синовлари олий таълим муассасаси ичида бўлмайди. Олий таълим муассасаси маъмурияти ва педагоглар жамоаси тест синовларида иштирок этмайди. Катта павильонларда, катта ёпиқ майдонларда тест олиш шароитлари яратилган», деган вазир.

Бу йил Ўзбекистонда 675 минг абитуриент олийгоҳларга кириш учун ҳужжат топширган. Бу ўтган йилгидан 54 минг кам деганидир. Шунча абитуриентдан тахминан 56 мингги талаба бўлиши мумкин.

Ўзбекистондаги армияга бориб келганлар, ҳарбийларнинг фарзандлари, Зулфия мукофоти совриндорлари, фан олимпиадаси ғолиблари ва бошқа имтиёзлар билим олишни истовчи бошқа ёшларга нисбатан адолатсизлик сифатида кўрилади.

Мутахассислар Ўзбекистонда олийгоҳлар ўқиш истагида бўлган ёшларни қамраб ололмаслигини айтишади. Натижада ўқишга киролмаган кўплаб ёшлар пул топиш мақсадида Россияга кетади.

Ёшларнинг олийгоҳлар кириши бўйича Ўзбекистон қўшнилари билан солиштирганда энг паст кўрсатгичда.

Ўзбекистонга ўқиш ёшидаги ёшларнинг 9,6 фоизи талаба бўлса, урушлар гирдобида бўлган қўшни Афғонистонда бу кўрсатгич 15 фоизни ташкил қилади. Қозозоғистон ва Россиядаги ёшларнинг 84 ва 69 фоизи олий маълумотли бўлиши мумкин.

Кузатувчилар Ўзбекистон олий таълим кўпчиликни қамраб олиши учун хусусий университетлар очиш кераклигини урғулайди.

Бироқ Ўзбекистон ҳукумати олий таълимдаги монополияга ҳали-бери барҳам берадиган кўринмайди.

Манба: bbc.com 

Бўлишинг:

Муҳаррир танлови

Ҳиндистонда келин-куёв чақалоқни тириклайин кўмиб ташлади

Ҳиндистоннинг Шоҳжаҳонпур шаҳрида ота-она ўзининг янги туғилган чақалоғини тириклайин кўмиб ташлади деб, Daily Mail нашри ёзмоқда. Ҳиндистонлик қоҳинлар “қизингизнинг ичига ...

Таиландда ўзбекистонлик икки аёл ўғирлида айбланиб ҳибсга олинди

Таиланд полицияси покистонлик эркакнинг 21 минг бат (670 доллар) пули, смартфон ва банк картасини ўғирлаб кетган ўзбекистонлик икки нафар аёлни ҳибсга олди. Бу ҳақда The ...

Туркманистон президентининг онаси «хизмат кўрсатган гиламчи» унвони билан тақдирланди

Туркманистонда президент Сердар Бердимуҳамедовнинг онаси «Хизмат кўрсатган гиламчи» фахрий унвони билан тақдирланди. “Нейтрал Туркманистон” давлат газетасининг ёзишича, бу ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400