Глобал қуллик индексида Ўзбекистон позицияси икки йилда 64 поғонага яхшиланди

Бош қароргоҳи Австралияда жойлашган Walk Free Foundation ташкилотининг 2018 йил учун эълон қилган Глобал қуллик индексида дунёнинг 167 мамлакати орасида Ўзбекистон 69-ўринни эгаллади.

Ҳисоботда таъкидланишча, Ўзбекистонда 160 минг киши замонавий қуллик шароитида яшайди. Мажбурий меҳнат билан шуғулланишга мажбур бўлаётганлар сони ҳар минг кишига 5,18 одам миқдорида тўғри келмоқда.

Янги индексдаги баҳолар Ўзбекистон сўнгги икки йилда ўз рейтингини кескин яхшилаганини кўрсатиб турибди.

Масалан, 2016 йил учун эълон қилинган Глобал қуллик индексида Ўзбекистон 167 давлат орасида бешинчи ўринга қўйилган эди. Ўзбекистоннинг “шармандали бешлик”дан жой олишига пахта теримида мажбурий меҳнатдан фойдаланиш сабаб бўлган.

Марказий Осиё минтақаси бўйича рейтингда Туркманистон 17-ўринни, Тожикистон 75-ўринни, Қозоғистон 83-ўринни ва Қирғизистон 85-ўринни эгаллаган.

Индекснинг биринчи поғонасида Шимолий Корея қайд этилди. Бу мамлакатда 2,6 миллион киши мажбурий меҳнат билан машғул.

Эритрея, Бурунди, Марказий Африка Республикаси, Афғонистон, Мавритания, Шимолий Судан, Покистон, Камбожа ва Эрон ҳам энг ёмон ўнликка кирган.

Манба: ozodlik.org

Бўлишинг:

Муҳаррир танлови

Ислом каримовнинг бош тансоқчиси бўлган ахат носиров янги лавозимга тайинланди

Ислом Каримовнинг собиқ бош тансоқчиси сифатида бир неча йиллар давомида фаолият юритган Ахат Носиров Шарқ яккакурашлари ва жанг санъатини ривожлантириш маркази раҳбари этиб ...

Ўзбекистон собиқ бош прокурори рашиджон қодиров ҳибсга олинди

Ўзбекистон Бош прокуратураси мулозимининг Озодликка билдиришича, мамлакат собиқ Бош прокурори Рашиджон Қодиров 22 февраль куни Тошкентда ҳибсга олинган. (more…)

Ўзбек жангчиси билан бўлган жанжални ўзбекистон ва қирғизистон тив раҳбарлари муҳокама қилди

18 август куни Қирғизистоннинг Ўш вилояти Қорасув шаҳрида ММА бўйича бўлиб ўтган WEF PROFFIGHT мусобақасида содир бўлган воқеа юзасидан интернет маконида пайдо бўлган ...