Бошқа мавзуларҚорақалпоғистон Республикасида январь-сентябрь ойларида бошқа ҳудудларга кўчиб кетганлар сони 11 минг 436 кишига етди. Бу ҳақда “Turon24” Қорақалпоғистон статистика бошқармаси маълумоти асосида хабар бермоқда.
Аниқланишича, йил бошидан буён Нукус шаҳридан 2742 киши кўчиб кетган. Туманлар кесимида мазкур кўрсаткич Хўжайлида 964 киши, Амударёда 465, Берунийда 448, Қораўзакда 503, Кегейлида 801, Қўнғиротда 713, Қонликўлда 400, Мўйноқда 180, Нукусда 657, Тахиатошда 751, Тахтакўпирда 408, Тўрткўлда 408, Чимбойда 958, Шуманайда 465, Элликқалъада 573 кишини ташкил этди.
2018 йил январь-сентябрь ойларида Қорақалпоғистонга 8,3 минг киши кўчиб келди. Миграция сальдоси минус 3,1 минг киши, 2017 йилнинг мос даврида минус 3,3 минг киши бўлган.
