Бошқа мавзуларЎзбекистонлик ўсмир йигит Москвада ўз жонига қасд қилди, бундан олдин эса у онлайн-трансляция олиб борди. Ҳодиса 16 декабрь куни юз берди, дея ёзмоқда “Соф.уз” нашри.
Йигитча шу куни спиртли ичимликлар ичиб олиб, кечқурун турар жойнинг 16-қаватига чиқди ва ижтимоий тармоқда тўғридан-тўғри видеоэфир олиб борди. Унинг томошабини бўлган икки кишига ўсмир «ҳамма нарсадан тўйиб кетгани» ҳақида гапирди.
Изоҳчилардан бири йигитни сўнгги қадамдан қайтаришга уринган, иккинчиси, аксинча, уни қўллаб-қувватлаган. Жонли эфир икки соатча давом этган, унинг охирида ўсмир сўнгги қадамни қўйган.
14 ёшли мактаб ўқувчиси тўлиқ оилада яшаган. Отаси Ўзбекистон фуқароси, онаси — Россия фуқароси (асли ўзбекистонлик) бўлиб, кассир бўлиб ишлаган. Оила Ўзбекистон ва Россия орасида кўп кўчиб юрган. Бола оилада ёлғиз фарзанд бўлган ва мактабини тез-тез ўзгартирган.
