Фалькао Венесуэла мухолифатини қўллаб-қувватлади

Колумбия терма жамоаси ва «Монако» клуби ҳужумчиси Радамель Фалькао Венесуэла мухолифатини қўллаб-қувватлашини билдирди. У твиттерга жойлаган видеода Колумбия пойтахти Боготанинг бош майдонида мадҳия куйлаётган венесуэлаликларни кўриш мумкин.

«Венесуэлалик дўстларим, сизлар ёлғиз эмассмиз. Биз сизлар биланмиз ва сизларни қўллаб-қувватлаймиз. Яхшилик қилишда чарчаманг, агар таслим бўлмасангиз, бу ўз натижасини беради. Венесуэлаликларга озодлик. Олға, Венесуэла», – деб ёзган Фалькао.

Маълумот учун, ўтган ҳафта бошидан буён Венесуэла сиёсий инқирозни бошдан кечирмоқда. Мамлакат раҳбари Николас Мадуро иккинчи муддатга президент этиб сайланиши ортидан унга қарши кўп минг кишилик намойишлар бошланиб кетди. 23 январь куни мухолифатчи, парламент етакчиси Хуан Гуайдо ўзини президент вазифасини бажарувчи деб эълон қилган.

Манба:Трибуна.уз