Тошкент қамоқхонасидаги маҳкумларнинг жанжали ўлим билан якунланди

Ички ишлар вазирлиги Жазони ижро этиш бошқармасига қарашли УЯ 64/38-сонли колонияда қасддан одам ўлдиргани учун жазо муддатини ўтаётган андижонлик 54 ёшли маҳкум Мухтор Қўзибоев жазо муддатини ўтаётган маҳкумни уриб ўлдирди.

“Jahon.uz” интернет нашрининг хабарига кўра, Мухтор Қўзибоев ҳамда Элдор Қуралов Тошкент вилояти Бўка туманидаги УЯ 64/38-сонли манзил колониясида жазо муддатини ўтаётган бўлишган. Улар ўзаро дастлаб 2013 йилнинг 30 май куни Қашқадарё вилояти Шайхали шаҳарчасидаги УЯ 64/49-сонли қамоқхонасида жазо ўтаётган вақтларида танишишган.

Бўкадаги манзил колонияда бу маҳкумнинг ўзаро келишмовчилиги кундан-кунга ёмонлашиб бораверган.

Воқеа гувоҳларининг айтишича, Мухтор Қўзибоев телефон орқали бир қиз билан гаплашиб юрган ва бу ҳолатни Элдор Қуралов телефон орқали Мухторнинг хотинига айтган ва ҳақиқий зиддият шу сониялардан бошланган.

Келишмовчилик натижасида Мухтор Қўзибоев кетмон учун ясалган таёқ билан Элдор Қураловнинг бўйин қисмига уч марта ургани натижасида марҳум Элдор Қуралов вафот этган.
Мухтор Қўзибоев эса ушбу ҳолатдан кейин навбатчи ўтирадиган хонага бориб, навбатчи маҳкум Ш. Абдуқодиров ва У. Зокировга марҳумни ургани ҳақида хабар берган ва шундан кейин телефон орқали муассаса тезкор ходими Ф.М.га ҳам бўлган воқеани айтиб берган.

Жиноя ишларининг Андижон вилояти суди томонидан 2013 йилнинг 21 октябрдаги ҳукмига кўра, Ўзбекистон Республикаси Жиноят кодексининг 97-моддаси 2-қисми “в,ж” бандлари, 25, 97-моддаси 2-қисми “а,в,ж” бандлари билан 59-моддасига асосан 18 йил муддатга озодликдан маҳрум этилиб, жазо муддатини ўтаётган вақтида яна қасддан одам ўлдиргани учун унга Жиноят кодексининг 97-моддаси 2-қисми “р” банди билан жиноят иши қўзғатилган.

Бўлишинг:

Муҳаррир танлови

Тошкентдаги 7 та бозорнинг раҳбарларига нисбатан жиноят иши қўзғатилган

Бош прокуратура томонидан Тошкент шаҳар Савдо департаменти, хизматлар кўрсатиш ва халқ истеъмоли товарларини ишлаб чиқариш соҳасидаги корхоналар ва “Бек тўпи савдо ...

5 ёшли қизалоғини печкада ёқиб юборган ота-она ҳибсга олинди

Украинада 5 ёшли қизалоғини ўлдириб, танасини печкада ёқиб юборган ота-она қўлга олинди. Бу ҳақда Украинанинг Житомир вилояти миллий полицияси матбуот хизмати хабарига таяниб ...