Кучли ёмғирлар туфайли Ҳиндистонда катта сув тошқинлари содир бўлди. Бунинг натижасида 100 нафардан кўпроқ киши ҳаётдан кўз юмди, дея «Синьхуа» агентлигига таяниб “Жаҳон.уз” хабар бермоқда.
Маҳаллий ҳукумат 104 киши қурбон бўлганини расман тасдиқлаган.
Бир неча минглаб кишилар хавфсиз ҳудудларга кўчирилган. Шунингдек, Мянманинг Мон штатида кўчки туфайли қурбонлар 41 кишига етган.
Минтақанинг яна бир йирик давлати Хитойда «Лекима» супертайфуни сабаб ҳалок бўлганлар сони 28 тага етгани айтилмоқда.