Ўзбекистон-Қозоғистон чегараси орқали қурол-яроғ олиб ўтишга уринишди

Тошкент ва Фарғона вилоятларида Ўзбекистон божхоначилари қурол ва ўқ-дориларни ноқонуний олиб ўтмоқчи бўлган шахсларни қўлга олди.

Бу ҳақда Ўзбекистон Божхона қўмитаси маълум қилиб, воқеа қачон содир бўлганига аниқлик киритилмаган.

Қозоғистон билан чегарада шахсий автомашинадан тўппонча, газли тўппонча ва пневматик қуролнинг ўқлари топилди. Бошқа божхона постида автомашинадан пневматик тўппонча билан 243 дона ўқ-дорилар топилган.

Фарғона аэропортида йўловчининг багажидан иккита ов милтиғи топилгани хабар қилинганди. Ҳозирда барча фактлар ўрганилмоқда.