Бошқа мавзулар21-февраль куни Эроннинг Табриз шаҳридаги мактабларнинг биридаги стадионга қирувчи самолёт қулаб тушди. Давлат телевидениесига кўра, ҳалокатда икки учувчи ва камида бир тинч аҳоли ҳалок бўлган.
IRNA ахборот агентлиги F-5 ҳарбий самолёти ҳалокатини текшираётганини маълум қилди.
“Қизил ярим ой” жамиятининг маҳаллий раҳбарининг айтишича, ҳалокат Табризнинг Монахем туманида юз берган. Унинг сўзларига кўра, мактаб коронавирус сабабли ёпилган, шунинг учун ўқувчилар фалокатга дучор бўлмаган.
АҚШда ишлаб чиқарилган F-5 қирувчи самолётларини Эрон 1979 йилги Ислом инқилобидан олдин сотиб олган. Ғарб давлатлари ўнлаб йиллар давомида қўлланилган санкциялар транспорт воситаларининг эҳтиёт қисмларини олишга, янгиланишларга имконият бермай келмоқда.
Эрон қуролли кучлари бундан ташқари, Россиянинг “МиГ” ва “Сухой” қирувчи самолётларидан ҳам фойдаланади.
