Бошқа мавзулар
“Форбс” нашри Россиянинг энг бой 200 тадбиркори рўйхатини эълон қилди. Унда биринчи ўрин “Норникель” компанияси бош директори Владимир Потанинга насиб этди.
Потаниннинг бойлиги 15,4 миллиард долларга баҳоланди. Ўтган йил билан солиштирганда, 54 ёшли тадбиркор бойлигини 2,8 миллиард долларга кўпайтиришга муваффақ бўлган.
Иккинчи ўринда – 14,6 миллиард доллари билан Михаил Фридман. “Альфа-групп” консорциуми ҳамсоҳиби бир йил ичида 3 миллиард доллардан айрилган бўлса-да, ўтган йилги ўрнини сақлаб қолди.
2014 йили рўйхатнинг биринчи ўрнида бўлган Алишер Усмонов эса бу сафар учинчи ўринга тушиб қолди. USM Holdings ҳамсоҳибининг бойлиги бир йил ичида 4,2 миллиардга камайиб, 14,4 миллиард долларни ташкил этди.
