“Биз Қорақалпоғистон Республикаси Тўрткўл туманиданмиз. 2016-йилда намунавий уй олган эдик. Биз Тўрткўл тумани Пахтачи ОФЙ Баҳор массивидаги 54-уйда яшаймиз.
Уйимиз Калтаминор каналининг бўйида жойлашган. Унинг шарқ томони ташландиқ бўлиб ётган эди. Ўша қисмини ободонлаштирмоқчи эдик. Туман ҳокимига мурожаат қилдик, аммо у ерни ободонлаштиришга ва дарахт экишга рухсат беришмади. Айнан шу канал билан уйимизнинг орасидаги 40-45 метрлик майдон ҳимоя ҳудуди ҳисобланади. У ерда умуман ҳеч нарса қуриш ва қилиш мумкин эмас.
Лекин, ҳокимнинг ноқонуний қарори билан у ерда ҳозир қурилиш ишлари олиб борилмоқда. Таниш-билиш орқали ҳокимнинг рухсатини олишган. Қурилиш умуман мумкин эмас. Бу ҳақда мутахассисларнинг хулосасини ҳам олганмиз. Аммо, аммо ҳеч қандай чора кўрилмаяпти”.
———————————————————————-
https://www.ozodlik.org/a/sizdan-telegram-qurilma-hokim/28681920.html