Усмонов самолёти Мирзиёев учун ижарага олингани билдирилди

“Ўзбекистон ҳаво йўллариширкати россиялик миллиардер Алишер Усмоновнинг Airbus 340 M-IABU самолёти  Ўзбекистон президентининг расмий самолёти  сифатида узоқ масофага мўлжалланган рейсларда фойдаланиш мақсадида вақтинча ижарага олинганини маълум қилди.

Мирзиёев МДҲнинг Сочидаги саммитига, ундан олдин эса Нью Йоркдаги БМТ анжуманига миллиардер Усмоновнинг самолётида учиб боргани жамоатчиликка ошкор бўлиши ортидан ширкат шундай баёнот билан чиқди.

“Ўзбекистон ҳаво йўллари” ширкати 14 октябр куни ўз саҳифасида маълум қилишича, Ўзбекистон ҳукумати президент Шавкат Мирзиёевнинг расмий самолёти сифатида узоқ масофага рейслар учун фойдаланишга самолётларнинг бир неча вариантларини қидириш ва танлаб олиш вазифаси топширилган ва “шинамлик, хавфсизлик ва техник тайёргарлик жиҳатидан Усмоновнинг GlobalJet оператори томонидан таклиф этилган Airbus 340 M-IABU самолёти танланган.

FlightRadar24 сервисининг маълумотларига қараганда, охирги йил давомида (сентябрдан сентябргача) Алишер Усмоновнинг самолёти камида 12 марта Тошкент аэропортига қўнган. У биринчи рейсни 3 сентябрь – Ислом Каримовнинг дафн қилиниши куни амалга оширган. Аэропортнинг самолётлар тўхташ жойида борт рақами M-IABU бўлган, A-340 Bourkhan лайнери умумий ҳисобда 50 кунга яқин тўхтаб турган. Қоида тариқасида, ташрифлар қисқа муддатли – 2-3 кундан ортиқ эмасди.

Алишер Усмановнинг Airbus A340-313 самолёти дунёдаги энг қиммат шахсий самолётлардан бири ҳисобланади ва 350 миллион доллар туради. У россиялик олигархнинг отаси шарафига– «Burkhan» («Бурхон») деб номланган.

Эслатиб ўтамиз, Ўзбекистон президенти Шавкат Мирзиёев ва Алишер Усмановни қариндошлик ришталари ўзаро боғлаб туради. Диёра Усмонова – Мирзиёевнинг рафиқаси жияни бўлиб, Алишер Усмоновнинг жияни, 2013 йилда Тошкентдаги ЙҲҲда ҳалок бўлган Бобурнинг бевасидир.

Бўлишинг:

Муҳаррир танлови

Fergana.ru сайти президент мирзиёевнинг куёвига оид ўз хабарини рад этди

Президент Мирзиёевнинг катта куёви Ойбек Турсунов шу кунда Тошкентда, деб хабар қилди fergana.ru сайти 7 сентябрда эълон қилган раддиясида.“Ўзбекистон президентининг куёви ...

Олот тумани ҳокими ва фермер ўртасидаги можаро яраштирув билан якунланди

Ижтимоий тармоқда кенг муҳокамага сабаб бўлган Xabar.uz томонидан эълон қилинган Олот тумани ҳокими ва фермер ўртасидаги можарога оид мақолада келтирилган ҳолат юзасидан ...

Хориждаги ўзбек мигрантлари йил бошидан буён ўз оилаларига 4,5 млрд доллар жўнатишди

Жорий йилнинг январь-сентябрь ойларида Ўзбекистон аҳолисининг халқаро пул ўтказмалари ҳажми 5,2 млрд долларни ташкил қилди. Бу ҳақда Ўзбекистон Марказий банки матбуот ...