Ўзбекистонликлар WhatsAppни танлайдими ёки Uzphone мессенжериними?

“Ўзбектелеком” яқин вақт ичида Uzphone мессенжерини ишга туширишни режалаштирмоқда. Ишлаб чиқарувчиларнинг билдиришларича, у Telegram, Skype, Viber ва WhatsApp мессенжерларининг муқобили бўлади.

Ҳозирда мессенжер альфа-синов босқичида бўлиб, у орқали ҳозирча матнли хабарлар жўнатиш ва қўнғироқ қилиш мумкин, деб xабар бермоқда маҳаллий ОАВлар.

“Ҳозирча у кенг оммага тақдим этилгани йўқ. Икки ой ичида бета-синов босқичига ўтамиз. Келаси йили у расман тақдим этилиши режалаштирилган”, — деди “Ўзбектелеком” филиали директори Марат Фаттоҳов.

Фаттоҳовнинг айтишича, жаҳонга машҳур иловаларнинг маҳаллий муқобилини яратиш зарурати қатор омиллар, жумладан, хориж компаниялари Ўзбекистонда топаётган даромаднинг бир қисмини мамлакатда қолдириш истаги ҳамда фойдаланувчиларга камроқ траффик сарфлаш имконини бериш билан боғлиқ.

Келгусида, тахминан бир йилдан сўнг илова смарт-телевизорлар ва кузатув камералари билан ҳам боғланади. Компания 1 миллион нафаргача ушбу мессенжер фойдаланувчиларига техник хизмат кўрсатиш имкониятига эга.

Бунга қадар Ўзбекистонда “Одноклассники” ва Facebook тармоқларига муқобил ижтимоий тармоқлар ишлаб чиқилган, аммо булар мамлакат ичкарисидаги фойдаланувчилар орасида оммалашмаган эди.

Бўлишинг:

Муҳаррир танлови

Дилмурод саййид: “бизда қонун ишламас эди”

Суратда: Дилмурод Саййид ва Гулзамон Акбар 9 йил қамоқда ноҳақ ўтирган журналист Дилмурод Саййид билан суҳбат. (more…)

Назарбоев: шахсан мен қирғизистон ҳақида ёмон гапирмаганман

Қозоғистон Президенти Нурсултон Назарбоев Остонага расмий ташриф билан келган Қирғизистон президенти Сооронбай Жээнбеков билан учрашар экан, қирғиз делегацияси кўтариб ...

Самарқандда 4376 нафар ўқитувчининг тоифаси олиб қўйилди

2018 йилда ўтказилган аттестация натижаларига кўра, Самарқанддаги педагогларнинг 364  нафарига олий, 1286 нафарига биринчи ва 3603  нафарига иккинчи ҳамда 3030 нафарига ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400