Яманда собиқ президент Солиҳ ҳалок бўлгани тасдиқланди

Яманнинг собиқ президенти Али Абдаллоҳ Солиҳ ўз тарафдорлари ва ҳусит исёнчилари ўртасидаги қуролли тўқнашувда ўлдирилди. Бу исёнчи гуруҳ яқингача Солиҳнинг иттифоқчиси эди.

Етакчиси Али Абдаллоҳ Солиҳ бўлган Халқ конгрессининг расмий вакиллари у Яман пойтахти Сана шаҳрининг жанубидаги ҳужум натижасида ҳалок бўлганини баён қилишди.

Ҳуситларнинг етакчиси бу янгиликни «муҳим» янгилик сифатида қарши олди. Абдул Малик ал Ҳутий Саудия Арабистони бошчилигидаги ҳарбий коалициянинг қўллаб-қувватлашидан фойдаланган Яман ҳукуматининг ниятини фош этганини баён қилди.

75 ёшли Солиҳўттиз йилдан ортиқ вақт давомида Яманга ҳукмронлик қилган. 2012 йилда у халқ қўзғолонлари ва сиёсий босимлар натижасида лавозимидан ағдарилган эди. Солиҳ Эрон қўллаб-қувватлайдиган ҳуситлар билан иттифоқ тузиб, мамлакатни бошқаришда қатнашишда давом этиб келарди.

Солиҳнинг ўлими ҳақида хабар қилган қўзғолончилар Солиҳ ўлдирилган вақтда Саудия Арабистонига кетаётган бўлганини тасдиқлашмоқда.

Ўтган ҳафтагача Солиҳнинг тарафдорлари ҳуситлар билан биргаликда Яманнинг ҳозирги президенти Абдураббуҳ Мансур Ҳодийга қарши жанг қилиб келди. Лекин узоқ давом этган сиёсий кескинлик ва Сана қўзғолончилари томонидан назорат қилинаётган масжиднинг кимга тегишли эканлиги ҳақидаги баҳслар ўтган ҳафатада қуролли тўқнашувлар келтириб чиқарди. Уларда 125 киши ҳалок бўлди ва 240 нафарга яқин одам яраланди.

Бўлишинг:

Муҳаррир танлови

Ўзбекистонда ўзини ўзи банд қилганларга гувоҳнома берилади

ҚҲТБТ порталида Вазирлар Маҳкамасининг «Ўзини ўзи банд қилиш учун вақтинчалик меҳнат гувоҳномасини киритиш тўғрисида"ги қарори лойиҳаси муҳокамага қўйилган. Бу ҳақда ...

Бугун: хитой ширкати ўзбекистонга сармоя киргизади; солиқлар камаяди…

https://www.youtube.com/watch?v=SAJOWIzbi44&feature=youtu.be

Дилмурод саййид: “бизда қонун ишламас эди”

Суратда: Дилмурод Саййид ва Гулзамон Акбар 9 йил қамоқда ноҳақ ўтирган журналист Дилмурод Саййид билан суҳбат. (more…)