Бошқа мавзуларПрезидент Мирзиёевнинг катта куёви Ойбек Турсунов шу кунда Тошкентда, деб хабар қилди fergana.ru сайти 7 сентябрда эълон қилган раддиясида.“Ўзбекистон президентининг куёви мамлакатдан чиқиб кетгани тўғрисидаги олдинги хабаримиз воқеликка тўғри келмаслигини хабар қиламиз”, дейилган раддияда.
Fergana.ruга кўра, Ойбек Турсуновнинг оиласида жанжал бўлганига оид маълумот тасдиқланмаган. Сайт ўз ўқувчиларини “чалғитгани учун” улардан узр сўради.
Fergana.ru президент Мирзиёевнинг катта куёви Ойбек Турсунов Президент аппарати Ишлар бошқармаси бошлиғи ўринбосари лавозимидан четлатилгани тўғрисида 6 сентябрь куни хабар қилган эди. Сайт ўша хабарида Тошкентдаги манбаларига таяниб Ойбек Турсунов чет элга кетгани, бунга хотини билан жанжал сабаб бўлгани ҳақда ёзган.
Сайт Ойбек Турсунов Шавкат Мирзиёевнинг қизи Саиданинг эри эканлиги, норасмий маълумотларга қараганда, Ойбекнинг отаси Ботир Турсунов генерал унвонида эканлиги, у Ўзбекистон миллий гвардиясида раҳбар лавозимда эканлиги тўғрисида, шунингдек, Ойбекнинг акаси, полковник Улуғбек Турсунов Тошкент шаҳар ИИББ бошлиғининг биринчи ўринбосари эканлиги тўғрисида хабар қилган.
