Бошқа мавзуларБухоро шаҳридаги 87-сонли мактабгача таълим муассасаси руҳшуноси пора билан қўлга тушди. Бу ҳақда Бухоро вилоят ИИБ маълум қилди.
Мактабгача таълим муассасаси руҳшуноси Зилола Ортиқова Бухоро шаҳрида яшовчи фуқаро Зевар Тойированинг фарзандини боғчага қабул қилиш учун ундан 250 минг сўм пора талаб қилган.
Ўз навбатида, ота-оналар ҳуқуқ идораларига мурожаат этган. Боғча ходимаси жорий йилнинг 25 сентябрь куни ашёвий далил – 250 минг сўмни олаётганда ушланган.
Бухоро вилоят Ички ишлар бошқармаси Коррупция ва иқтисодий жиноятларга қарши курашиш бўлими ҳамда вилоят прокуратураси томонидан Зилола Ортиқовага нисбатан жиноят ишлари қўзғатилган.
Тергов ҳаракатлари олиб борилмоқда.
