2019 йилдан бошлаб бошоқли дон экинлари ҳосили учун суғориладиган ва лалми ерларнинг ҳар гектаридан 40 центнердан кам ҳосил етиштириш “ерга нисбатан хиёнат” дея баҳоланади ва ерни олиб қўйилишгача бўлган чоралар қўлланилади. Бу ҳақда Вазирлар Маҳкамасининг 27 ноябрь куни тасдиқланган бошоқли дон етиштиришни янада рағбатлантириш тўғрисидаги қарорида келтирилади, дея ёзмоқда “Турон24” нашри.
Қарорга мувофиқ, суғориладиган ерларда бошоқли дон етиштирувчи фермер хўжаликлари ва қишлоқ хўжалиги корхоналари учун ягона ер солиғи ставкаларига ўзгартиришлар киритилди. Унга кўра, агарда фермер ҳар гектар майдон учун 30 центнер ва ундан паст бўлган ҳажмда ҳосил етиштирса, ер солиғининг 2 баробаригача, 31 центнердан 40 центнергача бўлганида эса ер солиғининг 1,5 баробаригача солиқ тўлайди.