Жанубий Африканинг Дурбан шаҳрида янги туғилган чақалоқ қувурдан қутқариб олинди. Бу ҳақда РенТВ.ру нашрига асосланиб «Даракчи» газетаси ёзмоқда.
Гап шундаки, маҳаллий аҳоли сув қувуридан гўдак йиғиси келаётганини эшитгач, фавқулодда вазиятлар бошқармасига хабар қилган. Худудга етиб келган қутқарувчилар овоз ерости қувуридан келаётганини аниқлашгач, тезкор амалиётни бошлашди. Болани қутқариш учун эса 3 соатдан ортиқ вақт сарфланди. Юқорига олиб чиқилган гўдак дарҳол шифохонага етказилган. Ҳозирда гўдакнинг саломатлигига ҳеч қандай хавф йўқ. Полиция ушбу воқеани қотилликка уриниш сифатида баҳолади ҳамда мазкур ҳолат юзасидан жиноий иш очди.