Бошқа мавзуларКорпорация 300дан зиёд самолётини эксплуатациядан чиқариши керак.
“Вести.ру”нинг қайд этишича, Эфиопияда содир бўлган авиаҳалокат сабабли жаҳондаги кўплаб авиакомпаниялар “Boeing 737 Max” лайнерларидаги парвозларни бекор қилмоқда, давлатлар эса ушбу русумдаги самолётларга ўз ҳаво кенгликларини беркитмоқда. Хусусан, Буюк Британия, Германия, Франция, Австралия, Индонезия, Хитой каби мамлакатлар “Boeing 737 Max” лайнерларига таъқиқ қўйган.
Хабарда айтилишича, ушбу вазиятда “Boeing” корпорацияси олдида оғир қадам турибди. Корпорация 300 дан зиёд самолётини эксплуатациядан чиқариши керак. Тадқиқотчи фирмалар таҳлилига кўра, бу “Boeing”га 5 миллиард долларга тушади.
Таҳлилчилар фикрича, молиявий ҳолати корпорацияга қийин даврдан чиқишга ёрдам бера олади. “Boeing” ўтган йилда 101 миллиард доллар кирим қилган. Ушбу маблағнинг 10 милллиардан зиёди соф фойдани ташкил этади.
