Бошқа мавзуларТошкент – Андижон пуллик автомобиль йўли қурилади. Бу ҳақда Ўзбекистон Республикаси президентининг “Республика иқтисодиётига тўғридан-тўғри хорижий инвестицияларни жалб қилиш механизмларини янада такомиллаштириш чора-тадбирлари тўғрисида”ги қарорига таяниб “Кун.уз” маълум қилди.
Йўл қурилиши 2019 йилда ишлаб чиқилиши лозим бўлган давлат-хусусий шериклик лойиҳалари рўйхатидан жой олган. Лойиҳа қиймати ҳозирги пайтда аниқланмоқда.
Бунда 2019 йил июнь ойида Жаҳон банки билан консультация хизматини кўрсатиш бўйича битим тузиш, 2020 йил январь – ДХШ лойиҳаси бўйича ҳужжатларни тайёрлаш, 2020 йил март – қизиқишни билдириш таклифларини эълон қилиш, 2020 йил апрель – лойиҳа концепциясини маъқуллаш, 2020 йил июнь – дастлабки малакани саралаш босқичида иштирок этиш сўровини эълон қилиш, 2020 йил сентябрь – иштирокчиларни баҳолаш ҳамда саралаш, 2020 йил сентябрь – таклифлар сўровини эълон қилиш, 2020 йил декабрида тендер ғолибини эълон қилиш, битимни имзолаш режалаштирилмоқда.
Қурилиш ишлари 2021 йил август ойида бошланиши мўлжалланган.
