Бошқа мавзулар10 июль куни соат 06:51да Қашқадарё вилояти Шахрисабз тумани “Шакартери” МФЙ, Шовкан қишлоғидан ўтувчи йўлдан ҳаракатланиб кетаётган “КАМАЗ” русумли юк автомобили тиркамасида сомон ёнаётганлиги ҳақида туман ЁХБ диспечерлик хизматига хабар келиб тушган, деб ДЁХХнинг расмий сайти маълум қилмоқда.
Воқеа жойига 2та ёнғин ўчириш бўлинмалари юборилган. Тезкор ҳаракатлар натижасида ёнғин бартараф этилган ва ёнғиндан юк автомобили ҳамда унга ортилган 400 дона сомон ғарами асраб қолинган.
Ёнғин ўчириш бўлинмаларининг етиб боргунига қадар ёнғинни ўчиришга уринган икки йўловчилардан бири фуқаро Ш.Э. куйиш тан жароҳати олиб шифохонага юборилгани, иккинчи фуқаро Н.З. эса тиркамадан бош қисми билан ерга йиқилиб, воқеа жойида вафот этгани маълум бўлган.
Ёнғиннинг тахминий келиб чиқиш сабаби – юк автомобили ва тиркамасига ортилган сомон прессларининг устки қисми электр сим ёғочнинг симларига тегишидан ҳосил бўлган қисқа туташув. Ёнғин ҳолати юзасидан терговга қадар текширув ишлари олиб борилмоқда.
