Собиқ банкир Мухтор Аблязов «Reuters’» агентлигига Қозоғистондаги намойишчилар етакчиси эканини айтди. Бундан ташқари, у ҳар куни Олмаота билан боғланиб турганини айтди.
“Мен ўзимни мухолифат етакчиси сифатида кўраман. Ҳар куни намойишчилар қўнғироқ қилиб, “Нима қилишимиз керак?” деб сўрашади”, — деди Аблязов.
У Қозоғистон геосиёсий ўйинга аралашганини, агар Ғарб мамлакатлари аралашмаса, Россия Қозоғистонни СССР давридагидек бўйсунишга мажбур қилишини таъкидлади. Шунингдек, у курашга Ғарб давлатлари аралашиши кераклигини айтди.
“Акс ҳолда Қозоғистон Беларусга айланади ва Путин ўз дастурини: Совет Иттифоқи каби тузилмани яралишини тан ола бошлайди”, – деди Аблязов.