Гватемаланинг Эскуинтла ҳудудида 16-февраль куни юз берган 6,2 магнитудали зилзила қурбонлари сони 3 нафарга етди.
Табиий офатларни камайтириш миллий координация маркази томонидан берилган баёнотда, зилзиладан азият чекканлар 89 минг 785 нафарга етгани, қидирув-қутқарув ишларининг давом этаётгани билдирилди.
Зилзила натижасида 3 киши ҳалок бўлди, 61 киши жароҳат олди.
Миллий сейсмология институти 83 километр терангликдаги зилзиланинг эпицентри Эскуинтла ҳудудидаги Нуэва-Консепсион шаҳридан 33 километр жануби-ғарбда бўлганини маълум қилди.
Зилзила Гватемаланинг 22 ҳудуди ва Мексика жанубида сезилди.