Бошқа мавзуларЕвропа Россияга қарши қўшимча санкциялар киргизишни кўриб чиқмоқда. Аммо улар ҳали оммага ошкор этилмаган. Бу ҳақда Франция иқтисодиёт вазири Бруно Ле Мэр BFM каналига берган интервьюсида айтиб ўтди.
“Барча вариантлар столда. Мен ҳозир вариантларни айтмай қўяверай. Иқтисодий чора-тадбирлар самарадорлигини ошириш учун ниятларимизни яширишни тўғри деб биламан ”, деди у.
Ле Мэр маневр қилиш учун жой борлигини таъкидлади. Унинг сўзларига кўра, янги санкциялар Европа Иттифоқи етакчиларининг 10-11-март кунлари Версалда бўладиган учрашувида муҳокама қилинади.
Аввалроқ Халқаро валюта жамғармаси (ХВЖ) Россияга қарши санкциялар жаҳон иқтисодиёти ва молия бозорларига жиддий таъсир кўрсатиши, кўплаб давлатлар учун бир қатор фалокатларга олиб келиши ҳақида огоҳлантирган эди. Жамғарма, бошқа нарсалар қатори, бутун дунё бўйлаб нархлар ошишини таҳмин қилмоқда.
