Собиқ ҳокимдан 400 минг доллар пора олиш айблови олиб ташланди

Юнусобод тумани собиқ ҳокими Бахтиёр Абдусаматов 2018 йилнинг 7 сентябрь куни пора олиш вақтида қўлга туширилгани хабар қилинган эди. У ер участкаларини ажратиш бўйича пора олмоқчи бўлгани тахмин этилди. Аммо «Газета.уз» томонидан хабар қилинишича, суд давомида собиқ ҳокимдан пора олиш айблови олиб ташланган.

Айни вақтда ҳокимият ёки мансаб ваколатини суиистеъмол қилишда айбланаётган Юнусобод туманининг собиқ ҳокими в. б. Бахтиёр Абдусаматов унинг қўлга олиниши Ўзбекистон Давлат хавфсизлик хизматининг собиқ раҳбарлари томонидан уюштирилганини тахмин қилмоқда.

1 май куни жиноят ишлари бўйича Тошкент шаҳар судида судья Зафар Нурматов раислигида Бахтиёр Абдусаматов, вақтинча ишсиз Ўлмас Мухамедсаидов ҳамда Туризмни ривожлантириш қўмитасининг «Миллий PR-маркази» собиқ бош директори Шоҳруҳ Маликов иши бўйича суд мажлиси бўлиб ўтди.

Дастлаб Бахтиёр Абдусаматов Ўзбекистон Жиноят кодексининг 205-моддаси (ҳокимият ёки мансаб ваколатини суиистеъмол қилиш), 210-моддасида (пора олиш) кўзда тутилган жиноятларни содир этганликда айбланаётган эди. Бироқ Тошкент прокурори ёрдамчиси Сардор Аҳмедов пора олиш тўғрисидаги айбловни бекор қилиш тўғрисида даъво киритди.

Судланувчининг адвокати Тимур Раҳматуллаев ўз оқлов нутқида Юнусобод туманининг собиқ ҳокими в. б.нинг оқланишини сўраб, тергов органларининг қўлга олишдаги қонунбузарликлари, гувоҳларнинг адолатсиз сўроқ қилингани ва айбловчи томондан далиллар мавжуд эмаслигини таъкидлади.

Бахтиёр Абдусаматовнинг фикрича, унинг қўлга олиниши ва жиноят иши қўзғатилиши ортида ДХХнинг собиқ раҳбарлари турибди.

«Бир нарсани айтишни хоҳлайман. Жиноят иши қўзғатилишидан бошлаб саккиз ой давом этган турли ҳаракатлар, айниқса тергов ҳаракатларигача, — буларнинг барчаси «коррупцион сенсация» учун қасддан Давлат хавфсизлик хизматининг айрим собиқ раҳбарлари томонидан амалга оширилди. Бу менинг тахминим», — деди у.

Унинг сўзларига кўра, оммавий ахборот воситаларида ҳокимнинг пора олаётганда қўлга олингани тўғрисидаги хабарлар ушбу тахминнинг асосий далилидир.

«Кимдир ёлғондан шон-шуҳратга эга бўлишни хоҳлади ва бу ишни… Давлат хавфсизлик хизмати раисининг биринчи ўринбосари [Жаҳонгир] Эгамов, бошқармаларнинг собиқ раҳбарлари амалга оширди», — деди Бахтиёр Абдусаматов.

«Яна бир қизиқ нарса бор: қандай қилиб депутатни ўтқазишиб, унинг оиласига телефон қилиб, уларни пул тўлашга мажбурлашди ва буни порага айлантиришди — ҳалигача тушуна олмайман. Бироқ прокурорга миннатдорчилик билдиришни истардим, у 210-моддани (пора олиш) тўхтатиш тўғрисида даъво киритди», — деди у.

Навбатдаги суд мажлиси 6 май куни бўлиб ўтади.

Бўлишинг:

Муҳаррир танлови

Андижонда «сабзи-арчди» маросимидаги жанжал жанозага уланиб кетди

2019 йил 7 февраль куни Жиноят ишлари бўйича Бўз туман суди томонидан Ўзбекистон Республикаси ЖКнинг 104-моддаси 3-қисми “д” банди билан айбли деб топилган А.С.га (эркак ...

Тошкентда суд раиси ёрдамчиси собиқ ички ишлар ходими томонидан азоблаб ўлдирилди

“Jahon.uz” нашри ишончли манбасига таяниб ёзишича, Сирғали туман Маъмурий ишлари бўйича суди Раис ёрдамчиси бўлиб ишловчи Обид Шомақсудов ўзининг таниши, собиқ ЙҲХ ходими, ...

Ўзбекистонда йил бошидан буён 90та қотиллик содир этилди

Прокуратура органлари тергов тармоқлари фаолияти устидан назорат бошқармаси томонидан прокуратура органлари томонидан 2019 йилнинг дастлабки 3 ойида тергов қилинган жиноят ...