Туркманистонда президентлик сайловининг дастлабки натижалари эълон қилинди. Унда сайловчиларнинг 97,17 фоизи иштирок этди. Бу ҳақдаги маълумот президент сайтида эълон қилинди.
Марказий сайлов комиссияси раиси бу рақамни аҳолининг фаол иштироки ва Туркманистондаги демократик ислоҳотларнинг кейинги жараёнида бевосита иштирок этишга онгли интилиш белгиси сифатида баҳолади.
Хориждаги айрим сайлов участкаларида овозлар санаб чиқилмоқда, расмий натижалар яқин кунларда эълон қилинади.
Эслатиб ўтамиз, Туркманистонда президентлик сайлови 12 март куни бўлиб ўтди.