Кеча Россия Федерацияси Давлат Думасининг навбатдаги мажлиси бўлиб ўтди. Мажлисда Давлат Думасининг спикери Вячеслав Володин Россия хорижда блокланган пулларни қайтариб олишини маълум қилди.
«Пулларимизни тортиб олгани йўқ, блоклаб юборишди. Биз ҳамма нарсани қайтариб оламиз. Ҳудудларимизни қайтаришни бошладик, пулимизни ҳам қайтарамиз. Керак бўлса, фоизи билан қайтарадилар», деди Давлат Думасининг раҳбари.
Аввалроқ Россия ва Украина ўртасида уруш бошланганида Россиянинг хориждаги активлари блокланган эди. Шундан сўнг АҚШ Россияга қарши санкциялар жорий қилиш ҳақида тез-тез баёнотлар бера бошлаган эди.