Бошқа мавзуларАҚШнинг Техас штатидаги Ювалд шаҳрида бошланғич мактабларнинг бирига 24-май куни уюштирилган қуролли ҳужумда камида 18 ўқувчи, бир ўқитувчи ва яна икки киши ҳалок бўлди. Камида 15 нафар яшовчи жароҳатланган, икки нафарининг аҳволи оғир.
Полиция отишни бошлаган 18 ёшли маҳаллий фуқаро Сальвадор Рамосни отиб ўлдирди. Отишмада икки полициячи енгил яраланган.
Айрим оммавий ахборот воситаларида гумонланувчи мактабга боришдан олдин бувисини отиб ўлдиргани ҳақида ёзишган. Унинг нима учун бундай қадамга борганлиги номаълум.
Ушбу мактабда 7 ёшдан 10 ёшгача бўлган болалар таълим олади.
Оқ уй матбуот котиби Карин Жан-Пернинг айтишича, хунрезлик ҳақида президент Жо Байденга маълумот берилган. Фожиа вақтида Байден Осиё сафаридан қайтаётган ва самолётда бўлган. У фожиа ҳақида баёнот бермоқчи.
«У ушбу даҳшатли воқеа қурбонларининг оилалари учун дуо қилмоқда», деди матбуот котиби.
Gun Violence Archive маълумотларига кўра, биргина май ойида Қўшма Штатларда қуролдан фойдаланиш бўйича 215 та ҳолат қайд этилган.
