Мексикада “Агата” довули оқибатида 10 киши ҳалок бўлди, 20 киши бедарак йўқолди.
Тезлиги соатига 170 километрга етган кучли шамол туфайли кўплаб уйлар вайрон бўлган. Довул ёмғир ва лой кўчкилари билан бирга келган. Айрим аҳоли пунктлари сув остида қолган. Табиий офат оқибатларига қарши кураш олиб борилмоқда. Мутахассисларнинг таъкидлашича, бу Мексиканинг жанубий қирғоқларида сўнгги 70 йил ичида содир бўлган энг кучли довулдир.
– Шаҳарда уйларнинг томлари қулаб тушди, кўплаб саноат бинолари вайрон бўлди. Кўчаларда қулаган дарахтлар туфайли юриб бўлмайди.