Бошқа мавзуларСуданнинг Ғарбий Дарфур ва Жанубий Курдуфан штатларида қабилалараро тўқнашувларда 27 киши ҳалок бўлди.
Маҳаллий манбалардан олинган маълумотларга кўра, Чад чегарасида жойлашган Ғарбий Дарфурнинг Кулбус шаҳрида араб Ризеигат ва Африкалик Гимир қабилалари ўртасидаги тўқнашувда 16 киши ҳалок бўлган.
Гувоҳларнинг хабар беришича, Гимир қабиласига мансуб учта қишлоқ ёқиб юборилган.
Маҳаллий матбуотнинг хабар беришича, Жанубий Курдуфаннинг Абу Жубейҳа ҳудудида ал-Ҳавазма ва Канъон қабилаларининг икки аъзоси ўртасида жанжал чиққан. Жанжал қуролли тўқнашувга айланиб, икки қабиладан 11 киши ҳалок бўлди.
