Google корпорацияси 3D-суратларни тушира оладиган планшет ишлаб чиқмоқда. Бу ҳақда The Wall Street Journal’ хабар бермоқда.
Қурилма 7 дюймли дисплей, орқа панелдаги иккита камера, инфрақизил узоқлик датчиклари ва энг сўнгги дастурий таъминот билан жиҳозланади. Бундай планшетлар объектларнинг аниқ уч ўлчамли суратини муҳрлай олади.
Google июн ойидан бошлаб 4 мингтага яқин шундай қурилма ишлаб чиқаришни режалаштирган. Ушбу планшетлар компаниянинг Project Tango тадқиқот лойиҳаси доирасида ишлаб чиқилмоқда.
Янги планшет июн ойининг охирига мўлжалланган Google ишлаб чиқувчилари учун анъанавий анжуман арафасида тақдим этилади.
Мулкдор хабар маркази