Россияга нисбатан АҚШнинг янги санкциялари иқтисодий урушнинг бошланиши дея баҳоланиши мумкин

Иллюстратив фото

Вашингтон томонидан Россияга нисбатан санкцияларни янада қатъийлаштирилиши иқтисодий уруш эълон қилиниши сифатида баҳоланиши мумкин. Бу ҳақда Россия бош вазири Дмитрий Медведов Кроноцк давлат қўриқхонаси ходимлари билан учрашувда айтиб ўтди, деб хабар берди ТАСС.

“Агар кўринишидан банк фаолияти ё бошқа бир валютани тақиқлашнинг ортидан эргашилса, буни иқтисодий уруш эълон қилиниши деб тўғридан-тўғри номлаш мумкин. Ва мазкур урушга иқтисодий, сиёсий жиҳатдан, зарур ҳолатларда бошқа йўллар билан жавоб бериш даркор”, – деди РФ бош вазири.

Д.Медведев амалдаги санкциялар ҳақида гапирар экан, чеклов бўйича чора-тадбирлар мамлакат иқтисодиётига таъсир ўтказаётганини тан олди. Унинг сўзларига қараганда, санкциялар Россияни халқаро майдондаги кучли рақобатчилар сафидан олиб ташлаш учун киритилаётир.

АҚШнинг Россияга нисбатан янги санкциялари 22 августдан кучга киради. Чекловлар Англияда Россия разведкасининг собиқ иккиёқлама агенти Сергей Скрипал ва унинг қизи Юлиянинг заҳарланиши билан боғлиқ. Вашингтонда эълон қилинишича, Россия “Новичок” жанговар заҳарловчи моддани қўллаб, халқаро ҳуқуқни бузган. Янги санкциялар Россияга авиацияда фойдаланиладиган электрон қурилмалар экспортини тақиқлашни назарда тутади. Шунингдек, “Аэрофлот” учун АҚШга парвозларни амалга ошириш ман этилиши мумкин.

Яна шуни қайд этиш лозимки, Вашингтон томонидан эълон қилинган янги санкциялар арафасида рубль кескин арзонлашиб кетди.

Бундан ташқари, америкалик сенаторлар Конгрессга Россияга нисбатан янги санкциялар тўғрисидаги қонун лойиҳасини ҳам киритди. Улар Россия қарз қоғозлари билан операцияларни чеклаш, Россия банкларининг доллар валютасидаги ҳисоб-китобларини ёпиб қўйиш ва Россияни “терроризмга ҳомийлик қиладиган давлат” сифатида тан олишни таклиф этишяпти.

Манба:Халқ сўзи

Бўлишинг:

Муҳаррир танлови

«ушланг, прокуратурага берворамиз»: зўравон «замҳоким»лар пойтахтда ҳам бор. олмазор туманида kun.uz ходимлари тажовузга учради

14 август куни Kun.uz ходимлари «Хива строй» МЧЖ раҳбарининг таҳририятга йўллаган мурожаати юзасидан изоҳ олиш мақсадида Олмазор туман ҳокимлигида бўлди. Мурожаатда ташкилот ...

Диққат, таклиф! конституция кучлими ёки кодекс?

ИККИНЧИ  МАҚОЛА Ўзбекистон Республикаси Конституцияси (Асосий Қонун) 26-моддасида: “...Судда айбланаётган шахсга ўзини ҳимоя қилиш учун барча шароитлар таъминлаб берилади”-, ...

Мўйноқда ёпиқ сузиш ҳавзаси ва спорт зали қурилиб, унга 5,7 миллиард сўм сарфланди

Қорақалпоғистон Республикасининг Мўйноқ тумани марказида 18×36 ўлчамдаги замонавий спорт зали ҳамда 25×11 ўлчамдаги сузиш ҳавзаси фойдаланишга топширилди. Бу ҳақда ЎзА хабар ...