Ўзбекистонда тиланчилар учун жиноий ва маъмурий жазолар қўлланилиши мумкин

Ўзбекистон Республикаси норматив-ҳуқуқий ҳужжатлар лойиҳалари муҳокамаси порталида Ўзбекистон Республикаси Жиноят, Жиноят-процессуал ва Маъмурий жавобгарлик тўғрисидаги кодексларига ўзгартириш киритиш ҳақидаги қонун лойиҳаси муҳокамага қўйилди. Бу ҳақда хабар.уз нашри маълум қилди.

Фото:YouTube

Унга кўра, Жиноят кодексининг 127-моддасига қуйидаги қўшимча киритиш таклиф қилинмоқда:

Аэропорт, вокзал, парк, дам олиш масканлари, бозорлар ва савдо мажмуаси ҳудудлари, шунингдек, уларга тегишли ҳудудлар — автотранспорт воситаларини вақтинчалик сақлаш жойлари, бекатлар, автотранспорт воситалари ўтадиган йўл қисмлари, маданий ва маънавий мерос объектлари жойлашган ҳудудлар, барча турдаги жамоат транспортлари ва бошқа жамоат жойларида фаол тарзда пул, озиқ-овқат маҳсулотлари ва бошқа қимматбаҳо буюмлар сўрайдиганлар:

300 соатдан 600 соатгача жамоат ишларига жалб қилиш ёки 1 йилдан 3 йилгача озодликдан чеклаш ёки 3 йилгача озодликдан маҳрум қилиш билан жазоланади.

Худди шундай ҳаракатлар вояга етмаган шахс иштирокида ёки ундан фойдаланган ҳолда, шунингдек, руҳий хаста, ногиронлиги бор шахслар, ўзини ногирон қилиб кўрсатган одамлар, ёки мажбуран наркотик ва психотроп моддалар, алкоголь маҳсулотлари истеъмол қилган, лекин ақлий фаолиятига путур етмаган шахслар томонидан содир этилса:

300-600 соатдан 400-800 соатгача жамоат ишларига жалб қилиш ёки 3 йилдан 5 йилгача озодликдан чеклаш ёки 3 йилдан 5 йилгача озодликдан маҳрум қилиш билан жазоланади.

Агар ушбу ҳаракартлар:

а) бир гуруҳ шахслар ёки хавфли рецидивистлар томонидан такроран содир этилса;

б) бир гуруҳ шахслар томонидан амалга оширилса;

в) мажбуран наркотик ёки психотроп моддалар таъсирида содир этилса;

г) зўрлаш ёки зўрлаш билан таҳдид қилиш орқали амалга оширилса,

5 йилдан 8 йилгача озодликдан маҳрум қилиш билан жазоланади.

Шунингдек, Маъмурий жавобгарлик ҳақидаги кодекснинг 188-моддасига қуйидаги қўшимча киритилади:

Аэропорт, вокзал, парк, дам олиш масканлари, бозорлар ва савдо мажмуаси ҳудудлари, шунингдек, уларга тегишли ҳудудлар — автотранспорт воситаларини вақтинчалик сақлаш жойлари, бекатлар, автотранспорт воситалари ўтадиган йўл қисмлари, маданий ва маънавий мерос объектлари жойлашган ҳудудлар, барча турдаги жамоат транспортлари ва бошқа жамоат жойларида фаол тарзда пул, озиқ-овқат маҳсулотлари ва бошқа қимматбаҳо буюмлар сўрайдиганлар:

энг кам иш ҳақининг 5 бараваридан 10 бараваригача миқдорда жаримага тортиш ёки 5 суткагача маъмурий қамоқ билан жазоланади.

Худди шундай ҳаракатлар вояга етмаган шахс иштирокида ёки ундан фойдаланган ҳолда, шунингдек, руҳий хаста, ногиронлиги бор шахслар, ўзини ногирон қилиб кўрсатган одамлар, ёки мажбуран наркотик ва психотроп моддалар, алкоголь маҳсулотлари истеъмол қилган, лекин ақлий фаолиятига путур етмаган шахслар томонидан содир этилса:

энг кам иш ҳақининг 10 бараваридан 15 бараваригача миқдорда жаримага тортиш ёки 5 суткадан 10 суткагача маъмурий қамоқ билан жазоланади.

Эслатиб ўтиш керак, ушбу ҳужжат ҳозирча фақат лойиҳа бўлиб, у тасдиқланиши, ўзгариши ёки рад этилиши мумкин.

 

Бўлишинг:

Муҳаррир танлови

Пахтаобод туманида 5 ёшли қизчанинг ўлимида айбланаётган шахс қўлга олинди

28 январь куни Андижон вилояти Пахтаобод туманида беш ёшли қизчанинг жасади топилди. Унинг қўшниси М.И. қотилликда айбланиб қўлга олинди. Бу ҳақда  Газета.uz нашри хабар ...

Тошкентда энг кўп қайси русумдаги автомобиллар автоҳалокатга учрамоқда?

Тошкентда 2019 йилнинг ўтган 6 ойи давомида Nexia русумли автомобилларда йўл-транспорт ҳодисалари кўпроқ содир этилди. Бу ҳақда 16 июль куни Тошкент шаҳар Ички ишлар бош ...

Ўзбекистон телеканалларида хориж сериаллари намойиши чекланади

Ўзбекистон нодавлат телеканалларида бир кунлик эфир жадвалини шакллантиришда хориж сериалини бир суткада фақатгина бир мартадан кўп бўлмаган ҳолда намойиш этиш белгиланди. ...